Аморим воз кечган футболчига учта клуб харидор, яна бештаси вазиятни кузатяпти

“Манчестер Юнайтед” ярим ҳимоячиси Мануэль Угарте яқинлашиб келаётган қишки трансфер ойнасида жамоани тарк этиб, ўзига бошқа иш жойи танлаши мумкин.

Манчестерликлар бош мураббий Рубен Аморим уругвайлик футболчини жамоанинг  асосий таркибида ўйнатмоқчи эмас.

Журналист Экрем Конурнинг хабар беришича, қимматбаҳо юлдузни бирданига сотиб юбориш жуда қийин жараён ва буни уддалаш деярли имконсиз. Бундай ҳолатда энг мақбул йўл уни ижарага қўйиб юбориш.

Манбанинг маълум қилишича, Мануэль Угартени январда “Галатасарой”, “Лион” ва “Наполи” ижарага олиш устида иш олиб бормоқда.

Шунингдек, “Ювентус”, “Атлетико Мадрид”, “Марсель”, “Астон Вилла” ва “Ньюкасл” мутасаддилари футболчи атрофидаги вазиятни кузатиб бормоқда.

“Манчестер Юнайтед” Мануэль Угартени сотишдан тахминан 45–50 миллион фунт стерлинг (51–57 миллион евро) ишлаб олишни режалаштирмоқда, Transfermarkt портали экспертлари эса, 24 ёшли футболчини 30 миллион еврога баҳолаган.