Аморим яна тўрт юлдузни таркибдан чиқарди

“Милан” бош мураббийи Рубен Аморим тўрт нафар футболчи – Кристофер Нкунку, Юссуф Фофана, Фикайо Томори ва Давид Одогунинг жамоа таркибидан четлатилишига изоҳ берди.

Аввалроқ бутун мавсумолди тайёргарликни клуб билан ўтказган ушбу футболчилар машғулотлардан четлаштирилиб, трансферга қўйилгани хабар қилинган эди.

- Улар мавсумолди тайёргарликда ўзларини жуда яхши кўрсатишди, аммо биз танлов қилишимиз керак. Биз ўзгаряпмиз, ўйлашимча, ҳозир жиддий ўзгаришлар қилиш жуда муҳим.

 Биз лойиҳанинг бошида турибмиз ва бизда имконият берилиши керак бўлган бир нечта ёш футболчилар бор, улар учун жой яратишимиз керак.

Аммо шуни айтмоқчиманки, улар ҳақиқатан ҳам мавсумолди тайёргарликда ўзларини яхши кўрсатишди. Лекин биз мавсумга тайёргарлик кўришимиз керак.

Қарийб 40 нафар футболчи билан эса тайёргарлик кўришнинг иложи йўқ. Шунинг учун йигитларга ачинаман, аммо биз буни қилишимиз керак, — дея Аморимнинг сўзларини La Gazzetta dello Sport келтирди.