"Ан-Наср" футболчиси собиқ клубига қайтиши мумкин

"Атлетик" Аймерик Ляпорт трансфери устида иш бошлади. 

Инсайдер Фабрицио Романо берган хабарга кўра, Бильбао клуби "Ан-Наср"га биринчи оғзаки таклиф юборган. Саудияликлар айни вақтда Ляпортни ўз лойиҳасининг бир қисми сифатида кўрмаяпти ва "Атлетик" испанияликни қайтариш учун ҳаракат қилмоқда. 

Ҳимоячи басклар сафида 2012 йилдан 2018 йилгача тўп тепган. Шундан сўнг у "шаҳарликлар" сафига ўтган. Ляпорт "Ан-Наср"да 2023 йилдан бери ҳаракат қилмоқда. Унинг шартномаси 2026 йилга қадар мўлжалланган.