"An-Nasr" Tellesni sotib olish fikridan qaytdi

"An-Nasr" "Manchester Yunayted" vakili Aleks Tellesni sotib olishni rejalashtirgandi. Tomonlar kelishib ham olgan. Himoyachining o‘zi allaqachon Ronaldu bilan birga o‘ynashga rozi bo‘lgandi. Ammo bu transfer barbod bo‘ldi. 

Fabritsio Romanoning so‘zlariga ko‘ra, "An-Nasr" braziliyalik futbolchini sotib olmaslikka qaror qilgan va boshqa variantlarni ko‘rib chiqmoqda. 

Ma’lumot uchun, Aleks o‘tgan mavsumni "Sevilya"da ijara asosida o‘tkazdi. Uning klubi bilan amaldagi shartnomasi 2024 yilda o‘z nihoyasiga etadi.