Ана холос! Дания "Евро-2020" мезбонлигидан воз кечиши мумкин

Дания футбол федерацияси президенти Йеспер Меллер мамлакат “Евро-2020” ўйинларини ўзида қабул қилишдан бош тортиши мумкинлигини айтди.

Таъкидлаш керакки, УЕФА “Евро-2020”ни коронавирус сабаб келаси йилги қолдирган эди. Мусобақа эса Европанинг 12 та шаҳрида ўтказилиши режалаштирилган. Мезбон шаҳарлар орасида Дания пойтахти Копенгаген ҳам бор.

Бироқ, Дания ҳукумати “Евро-2020” ва “Тур де Франс” кўпкунлик велопойгаси ўртасида танлов қилиши керак. Боиси, ҳар иккала мусобақа ҳам пандемия сабаб 2021 йилга қолдирилди ва улар келаси йил бир ҳил вақтда бошланади.