Ана холос: Мессининг мундиалдаги иштироки сўроқ остида

Лионель Месси ҳали ЖЧ-2026да ўйнаш ҳақида қарор қабул қилгани йўқ.

Аргентина терма жамоаси ҳужумчиси ЖЧ-2026 саралаш босқичида Венесуэла жамоасига қарши ўйинда (3:0) иккита гол урди.

- Мен ўйнашдан руҳланаман ва мотивацияга тўламан. Ҳар доим айтганимдек, ҳис-туйғуларимга таяниб, кунма-кун мақсадим сари интилмоқдаман. Ўзимни яхши ҳис қилишга ва энг аввало, ўзимга нисбатан тўғри бўлишга ҳаракат қиламан.

Ўзимни яхши ҳис қилсам - бундан мамнун бўламан. Агар аксинча бўлса - завқланмайман, шунинг учун ўзимни ёмон ҳис қилганимда терма жамоага келмасликни маъқул кўраман.

Кўрамиз. Ҳали Жаҳон чемпионати бўйича қарор қабул қилганим йўқ. Бу мавсумни якунлайман, мавсумолди тайёргарликни ўтказаман. Ўзимни қандай ҳис қилишимни кўраман. Умид қиламанки, бу мавсумни МЛСда яхши якунлайман, кейин мавсумолди тайёргарлигини яхши ўтказаман, шундан сўнг қарор қабул қиламан, - деди Лионель Месси.