Ana xolos! «Paxtakor» va yana davlatga tegishli 5 ta futbol klubi sotuvga qo‘yiladi

Davlat ulushi bor O‘zbekistondagi oltita futbol klubi sotuvga qo‘yiladi. Bu haqda O‘zbekiston prezidenti Shavkat Mirziyoevning tegishli qarori imzolanishi kutilmoqda. Bu haqda gosport sayti xabar berdi.

Manbaning ma’lum qilishicha, iqtisodiyotda davlat ishtirokini tubdan qisqartirish, davlat aktsiya paketlari (ulushlari)ni sotish orqali xususiy sektor rivojlanishi uchun sharoit yaratish maqsadida chiqarilayotgan qaror loyihasida O‘zbekistondagi oltita futbol klublari nomi ham sanab o‘tilgan.

Qarorga ko‘ra, Termizning «Surxon» va «Buxoro» klublari 100 foiz aktsiyasi sotuvga qo‘yilgan bo‘lsa, Sirdaryoning «Guliston» klubi 30 foiz, «Paxtakor» klubining Toshkent shahar hokimligiga tegishli 20 foiz, «Dinamo» klubining Samarqand hokimligiga tegishli 7,1 foiz va «Neftchi» klubining Jismoniy tarbiya va sport vazirligiga tegishli 3 foiz aktsiyalari ham sotuv uchun qo‘yiladi.