
Ана холос: Роналду ёзда “Реал”га қайтади
“Ан-Наср” ва Португалия терма жамоаси ҳужумчиси Криштиану Роналду ёзда “Реал” учун ўйнаш йўлини топди. Бу ҳақда Sky Sports нашри хабар тарқатди.
40 ёшли футболчининг саудияликлар билан амалдаги шартномаси жорий мавсум охирида якунига етади. Роналду ҳамкорликни узайтириши кутилмоқда.
Бироқ Криштиану янги форматда ўтказиладиган клублар ўртасидаги жаҳон чемпионатида қатнашишни орзу қиляпти. “Ан-Наср” бу турнирга чиқа олмаган. Роналду собиқ жамоаси “Реал” билан бўлажак мусобақада қатнашиши мумкин.
ФИФА клублар ўртасидаги жаҳон чемпионати иштирокчилари учун махсус трансфер ойнаси ташкил қилди. У 1-10 июнь кунлари бўлади. Роналду ана шу муддатда “Реал” билан бир мусобақа, яъни клублар ўртасидаги жаҳон чемпионати учун битим тузиши айтилмоқда.
Аввалроқ, жаҳон чемпионатидаги қатнашадиган “Интер Майами” ва “Ал-Ҳилол” ҳам Роналдуга ўз таркибидан жой беришга тайёр экани ҳақида маълумотлар чиққан эди.
Роналду жорий мавсум клуб ва терма жамоада жами 40 та учрашувла қатнашиб, рақиблар дарвозасини 34 маротаба ишғол қилди ва жамоадошларига бешта голли пас узатди.
Comments