Ана холос! Суперлига иштирокчиларидан бири мусобақада қатнашишдан бош тортиши мумкин

Англия клубларидан бири Европа Суперлигасида иштирок этишдан бош тортиши мумкин. Бу ҳақда хабар бермоқда The Times.

Манбанинг хабарига кўра, номаълум клуб янги турнирнинг салбий қиёфаси ва мухлисларнинг танқидидан хавотирда. Ушбу клуб "Манчестер Сити", "Челси", "Арсенал" ёки "Тоттенхэм" бўлиши мумкин.

Аммо BBC журналисти Дэн Роан бунинг аксини айтмоқда. Унга кўра, ҳеч бир клуб 2021 йил августда бошланиши керак бўлган мусобақада қатнашишдан бош тортмоқчи эмас.

Ҳозирда Европа Суперлигасига УЕФА ва ФИФА қаттиқ қаршилик қилмоқда. Юқори ташкилотлар ушбу вазиятга кескин чоралар кўриши мумкинлигини маълум қилган.