Ана холос: Трансфер рекорди ўрнатилди!

Англия Премьер-лигасининг амалдаги чемпиони “Ливерпуль” Флориан Вирцнинг жамоага ўтганини расман эълон қилганидан кейин мамлакатда энг қимматбаҳо трансфер рекорди ўрнатилди.

Нуфузли база – Transfermarkt порталида “қизиллар” 22 ёшли плеймейкер учун “Байер”га 125 миллион евро тўлагани қайд этилди.

Манбага кўра, Вирцнинг трансфери 2022-2023 йилги мавсумда “Бенфика”дан “Челси”га кўчиб ўтган Энцо Фернандеснинг рекордини ортда қолдирди. Ўшанда “аристократлар” аргентиналик жаҳон чемпиони учун португалияликларга 121 миллион евро тўлаган эди.

Шунингдек, “Манчестер Сити”нинг Жек Грилишни олган трансфер кўрсаткичлари  Англия футболи тарихидаги энг қиммат учинчи трансфер бўлди. Хосеп Гвардиола танлаган футболчини олиб бериш учун клуб 2022 йили “Астон Вилла”га 117,5 миллион евро ўтказиб берганди.