Ана холос: Хави йирик ғалабадан кейин “Реал”га мурожаат қилди

Испания чемпионатининг 37-турида “Барселона” ўз майдонида “Райо Вальекано” футболчиларини 3:0 ҳислбида мағлуб этиб, мусобақа жадвалида иккинчи ўринни нақд қилди.

Каталонияликлар бош мураббийи Хави Эрнандес учрашувдан кейин “Реал” ҳақида гапирди.

- “Реал”ни табриклайман бу жамоа чемпионатни ажойиб тарзда ўтказди. Биз улар билан етарли даражада кураша олмадик. Иккинчи ўрин – биз учун минимум вазифа.

Энди Суперкубок учун ўйнаймиз. Мана шунисидан мамнунман, - деди Хави Эрнандес.

Хави Эрнандес бошчилигидаги “Барселона” мавсум давомида ўтган йили қўлга киритилган чемпионликни ашаддий рақибига топширишга мажбур бўлди.

Бугунги кунда мадридликлар ички мусобақаларда ҳам, халқаро майдонда ҳам “Бареслона”дан яхшироқ натижаларни қайд этмоқда.