Ана холос: Ёзда Холандни оладиган суперклуб чиқди

“Манчестер Сити” яқинда асосий тўпурари Эрлинг Холанд билан амалдаги шартномани тўққиз ярим йилга узайтирди. “Шаҳарликлар” бу йўл орқали норвегиялик футболчини клубга боғлаб олмоқчи.

Шунга қарамай, Холандга даъвогарлик қилаётганлар қўл қовуштириб ўтиргани йўқ. “Реал” 24 ёшли ҳужумчини ёзда ўз сафига қўшиб олмоқчи.

Гап шундаки, мадридликлар бразилиялик Винисиус Жуниорни қўлдан чиқариши мумкин. Саудия Арабистони клублари унга катта маош, “Реал”га мўмай даромад таклиф қиляпти. Винисиус ҳамкорлик шартномасини янгилаш учун мадридликлардан катта маош талаб қилмоқда. Бироқ “Қироллик клуби” ўйинчилар маоши ўртасидаги тафовутни катта бўлишига йўл қўймоқчи эмас.

Хуллас, агар Винисиус сотиб юбориладиган бўлса, унинг ўрнига Холанд олиб келинади. Флорентино Пересда анча аввалдан Килиан Мбаппе ва Эрлинг Холанд ҳужум жуфтлигини ташкил қилиш режаси бор.

Демак, вазиятни кузатишда давом этамиз.