Ана холос! “Ювентус” Погба ўрнига бошқа ўйинчи олади

“Манчестер Юнайтед”даги фаолиятини якунлаб, “Ювентус”га қайтдан Поль Погба узоқ муддат туринликларга ёрдам бера олмайди. Чунки франциялик ярим ҳимоячи жароҳат олди ва ундан қутилиш учун анча вақт сарфлаши айтилмоқда.

Бундан “Атлетико” мутасаддилари унумли фойланиб қолмоқчи. Улар бош мураббий Диего Симеонега керак бўлмай қолган Сауль Ньигес хизматини Турин клубига таклиф қилди.

Мадридликлар испан ярим ҳимоячиси майдон марказида Погба ўрнини босишига ишонмоқда.  

27 ёшли Сауль ўтган йили “Челси”га ижарага берилганди. Бироқ, у Томас Тухель жамоасида ўзини кўрсата олмади ва Мадридга қайтариб юборилди.