Анчелотти “Барса”га қарши кучли қурол борлигини айтди

Испания чемпионатининг 11-турида Ла Лиганинг марказий ўйини “Сантьягу Бернабеу”да бўлиб ўтади. Унда “Реал” мусобақа пешқадами “Барселона” билан куч синашади.

Мадридликлар бош мураббийи Карло Анчелотти учрашув олдидан Килиан Мбаппе ҳақида ўз фикрларини билдириб ўтди.

- Биз Мбаппедан мамнунмиз, чунки у “Реал” учун гол уришда давом этмоқда. У жамоа учун муҳим ўйинчи. Буни Чемпионлар лигасида “Боруссия”га қарши ўйинда ҳам намойиш қилди ва иккита голимизда фаол иштирок этди.

Ҳали Килиан Мбаппе янада юксак чўққиларга кўтарилади, чунки бунинг учун унда ҳамма сифатлар жамланган, - деди Карло Анчелотти.