"Манчестер Сити" келаси мавсум АПЛда қолмайди

Англия премьер-лигаси клублари келаси мавсумда «Манчестер Сити» элита таркибида қолмаслигига ишонаётгани хабар қилинмоқда.

Sky Sports маълумотларига кўра, Премьер-лиганинг қатор клублари «Манчестер Сити»ни кейинги мавсумда юқори дивизионда қолишига деярли имконият қолмаган, деб ҳисобламоқда.

 Уларга кўра, клуб йиллар давомида молиявий қоидаларни бузиб келгани учун энг қатъий жазога – лигадаги мақомидан маҳрум этилишга дучор бўлиши керак.

Шу билан бирга, «Манчестер Сити» раҳбарияти айбловларни тан олиш ниятида эмас. Клуб ишни охиригача етказиш, зарурат туғилса, энг юқори суд инстанцияларигача мурожаат қилишга тайёрлигини билдирган.

Эслатиб ўтамиз, ҳозирги пайтда Энцо Марески бошқарувидаги манчестерликлар Англия чемпионати жадвалида пешқадамликни сақлаб турибди.