Анчелотти Камавинганинг жароҳати ҳақида гапирди

Мадриднинг “Реал” клуби бош мураббийи Карло Анчелотти жароҳат олган Эдуардо Камавинганинг аҳволи ҳақидаги саволга жавоб берди.

Кўпинча чап қанот ҳимоячиси сифатида ўйнайдиган франциялик ярим ҳимоячи Ла Лиганинг шанба куни бўлиб ўтган "Хетафе"га (1:0) қарши баҳсда жароҳат олиб, алмаштирилган эди. Испания ОАВ хабар беришича, Камавингнинг жароҳати анча жиддий бўлиши мумкин, бироқ Анчелотти мухлисларни ишонтирди:

"Бу шунчаки кўкариш. Менимча, у тезда тузалиб кетади. Камавинга эндигина 20 ёшда ва бундай зарбалардан тезда қутула олади. "Манчестер Сити"га қарши ўйинга барча футболчилар тайёр бўлишига ишонаман", - дея "қаймоқранглилар" устозининг сўзларини келтиради "Madrid Xtra".

Эслатиб ўтамиз, "Манчестер Сити" - "Реал" Мадрид учрашуви 17 май куни бўлиб ўтади.

Фикрлар

Фикр қолдириш учун авторизациядан ўтинг!