Асосий мазмунга ўтиш
Футбол

Анчелотти: Модрич - мен учун кафолат!

Хорватиялик футболчи ҳар доим юқори даражада ўйин кўрсатишга тайёр!

"Реал" Мадрид клуби бош мураббийи Карло Анчелотти марказий ярим ҳимоячи Лука Модричнинг барқарор ўйинини эътироф этди.

“Лука Модрич ҳар доим максимал даражада ўйнайди, мен учун у кафолатдир. Ҳар бир футболчи қанча кўп дақиқа майдонда ўйнаса шунча яхшиланади. Лука эса асосий таркибда майдонга тушганда ҳам, захирадан майдонга тушганда ҳам доим мукаммалдир”, - дея Анчелотти сўзларини келтиради италиялик спорт журналисти Фабрицио Романо Х ижтимоий тармоғида (собиқ Тwиттер).

Модрич Чемпионлар Лигаси тарихида голли узатма муаллифи бўлган учинчи энг ёши катта футболчи ҳисобланади. “Реал” ярим ҳимоячиси “Штутгарт”га қарши баҳсда 70-дақиқада захирадан майдонга тушди ва 83-дақиқада ҳимоячи Антонио Рюдигерга голли узатма берди (3:1).

Улашиш
SPORTS.uz'нинг Telegram'даги каналига аъзо бўлинг!

Изоҳлар (0)

Ҳозирча изоҳлар йўқ