Анчелотти Винисиус нимани ўрганганини айтди

Карло Анчелоттининг фикрича, Винисиус Жуниор тўққизлик ҳужумчи сифатида яхши ҳаракат қилмоқда. 

"Менимча, у ўша ерда ўйнашга қодир. Винисиус Жуниор тўпсиз яхши ҳаракат қилишни ва очилишни яхши ўрганди. У дарвоза олдида жуда хотиржам", - деди италиялик мутахассис. 

Кеча тунда бўлиб ўтган "Бавария"га қарши беллашувда Винисиус дубль муаллифга айланди ва жамоасининг дурангига катта ҳисса қўшди. 

Бундан ташқари, бразилиялик вингер ЕЧЛ сўнгги уч мавсумидаги энг сермаҳсул футболчи бўлиб турибди.