Анчелотти Винисиусни танқид қилганларга жавоб қайтарди

“Реал” бош мураббийи Карло Анчелотти Винисиус Жуниорга бўлган танқидлар ҳақида гапирди. Кўплаб мухлислар Винини Бразилия терма жамоаси сафида “қироллик клуби”дагидек яхши ўйнай олмаётганига қаттиқ ғазабда.

- Бу фақатгина Винисиуснинг муаммоси эмас. Кўриниб турибдики, бу умумий муаммо. Бразилия ўзининг энг яхши версиясини кўрсата олмаяпти. Тўғри, Жуниор ҳали яхши формада эмас. Лекин, биз унинг катта ҳиссасини деб 2 та Чемпионлар лигасини қўлга киритганимизни эсдан чиқармаслик керак,- деди “қироллик клуби” устози матбуот анжуманида.

Эслатиб ўтамиз, мадридликлар 14-сентябр куни “Реал Сосьедад”га қарши майдонга тушади.