Анчелоттига бу трансфер яхшигани бош оғриғи бўлади

Испан ОАВнинг ёзишича, “Реал” “Манчестер Сити” ҳужумчиси Габриэль Жезусни ўз сафига қўшиб олишни истамоқда, бироқ бу трансфер Карло Анчелотти учун таркиб танлашда қўшимча муаммоларни келтириб чиқаради.

Испания Ла Лигаси қоидаларига кўра, ҳар бир жамоада Европа Иттифоқи фуқароси бўлмаган 3 нафар футболчи бўлиши мумкин. "Реал"да бу ўринларни Винисиус, Эдер Милитао ва Родриго банд этган. “Қаймоқранглилар” ёзда ушбу футболчиларнинг ҳеч бири билан хайрлашишни режалаштирмаяпти, шу сабабли мадридликлар Винисиусга имкон қадар тезроқ Испания паспортини олишга уринмоқда.

“El Larguero” нашри журналисти Педро Хименеснинг сўзларига кўра, бразилиялик форвард 2020 йилда испан фуқоролигини олишга ҳаракат қилиб кўрган, аммо коронавирус сабаб кечиктирилган эди. Ҳозир мамлакатда 300,000 дан ортиқ фуқоро ҳужжатларини олишни кутмоқда. Аммо Пиреней ярим оролида йилига кўпи билан 60 000 та паспорт берилиши мумкин. Шу сабаб "Реал" лимит билан боғлиқ муаммони ҳал қилмасдан туриб, Жезуснинг трансфери борасида қарор қабул қилмоқчи эмас.