Анчелоттига қўшиб, Винисиусни ҳам олиб келамиз!

Саудия Арабистонининг “Ал-Ҳилол” жамоаси жуда катта ишга қўл уришга тайёргарлик кўряпти. Шайхлар ўз жамоасига “Реал”нинг икки машҳур вакилини олиб келмоқчи.

Sports Zone нашрининг маълум қилишича, “Ал-Ҳилол” тез орада “Реал” билан хайрлашадиган Карло Анчелоттига дарвомадли таклиф берган. Бунинг натижасида италиялик мутахассис Бразилия терма жамоасини бошқариш имкониятидан воз кечди.

Бундан ташқари, “Ал-Ҳилол” мадридликлар юлдузи Винисиус Жуниорни ҳам ўз сафига қўшиб олиш фикридан қайтгани йўқ. Сўнгги маълумотларга қараганда, саудияликлар бразилиялик футболчи трансферига 800 миллион евро тикишга тайёр. Бу сумма ичида бадал пули, ўйинчининг маоши ва бонуслари бор.

Ар-Риёд шаҳри клуби вакиллари Винисиус Жуниор агентлари билан алоқа ўрнатди. Томонлар 24 ёшли ҳужумчи трансфери бўйича музокараларни бошлаб юборган.

Карло Анчелотти 15 июнь – 13 июль кунлари АҚШда ўтказиладиган клублар ўртасидаги жаҳон чемпионатидан кейин “Қироллик клуби” билан хайрлашиши кутиляпти.