Анчелоттининг фикри ўзгарди, У Бразилияга бормайди

  • 30 апрель, 15:04
  • Zohir Toshxo’jayev
  • 0
  • Футбол
CHERY AUTO

“Реал”ни бошқараётган Карлот Анчелотти мадридликлар билан ҳамкорликни муддатидан олдин якунлаши ҳал бўлган масала ҳисобланади.

Жорий мавсумдаги натижалардан кейин италиялик мутахассис шартномада белгиланганидек 2026 йилнинг 30 июнига қадар Мадридда қола олмайди.

Бу вазиятдан Бразилия футбол конфедерацияси унумли фойдаланишга уриниб кўрди. Бразилияликлар 65 ёшли мутахассисни терма жамоани қабул қилиб, энг катта маош оладиган мураббийга айланигни таклиф қилди.

Marca нашрининг ёзишича, Карло Анелотти Лондон шаҳрида Бразилия футбол конфедерацияси мутасаддилари билан учрашган. Музокара давомида италиялик мураббий таклифни қабул қилмаган ва битим имзолашдан бош тортган.

Манбага кўра, Анчелотти Бразилия футбол конфедерацияси президенти Эднальдо Родригес билан боғланиб, унга бўлган қизиқиш учун миннатдорлик билдирган ва келажаги борасида режалари бошқача эканини маълум қилган.

Режага кўра, Карло Анчелотти 15 июнда бошланадиган ва бир ой давом этадиган янги форматдаги клублар ўртасидаги жаҳон чемпионатидан кейин “Реал”даги бош мураббийлигини топширади.

Фикрлар

Саралаш
Фикр қолдириш учун авторизациядан ўтинг!