"Андижон" - "Насаф": Матнли трансляция

Учрашув якунланди! Матнли трансляцияни Абдулвосид Валихонов олиб борди!

"Насаф" дарвозабонига тиббий ёрдам кўрсатилмоқда.

Станоевич рақибини чалгани учун огоҳлантирилди.

Учрашув асосий вақтига 4 дақиқа қўшиб берилди.

Иккала жамоанинг биттадан футболчиси тўқнашиб кетди. Ҳаммаси жойида.

Баҳодировнинг узатмаси анча ноаниқ кетди.

Абдихолиқов ўрнига Эсонқулов майдонга тушди.

Қаҳрамон Баҳодиров сариқ карточка олди.

Баҳодировнинг ерлатиб берган зарбасини Неъматов қийинчилик билан қайтарди.

Баҳодиров амалга оширган бурчак зарбаси ҳеч кимга насиб этмади.

"Андижон"нинг жарима майдонига узатган тўпини ҳимоячилар қайтарди.

Қаҳрамон Баҳодиров Муҳамммад Йўлдошев ўрнига майдонга туширилди.

"Насаф" рақибларини яна орқароққа сурилишга мажбур этмоқда ёҳуд "Андижон" нафас ростлаб олмоқчи.

Нодир Мавлонов ўрнига Бахтиёр Қосимов майдонга тушди.

Ғолиб Ғайбуллаев Ислом Кенжабоевнинг ўрнига майдонга тушди.

"Андижон" футболчиларига тезлик етишмагани эвазига яна бир ҳужум барбод бўлди.

Файсал Траоре ўрнига Ойбек Бозоров ва Акмал Мозговой ўрнига Дилшод Раҳматуллаев майдонга тушди.

"Андижон" ҳужумда фаол ўйин намойиш этмоқда. Бир нечта зарбалар ҳам кўрдик. Бироқ, аниқлик етишмаяпти.

"Андижон" футболчисининг жарима майдонига узатган тўпини Неъматов узоқлаштиришга эришди.

Жамшид Ҳомидов Тимур Усмоновни алмаштирди.

"Андижон" футболчиси тезлик билан жарима майдонига яқинлашиб келди. Аммо унинг узатмаси анча ноаниқ бўлди.

Тайм аввалида яна "Насаф" фаол ўйнамоқда.

Иккинчи тайм бошланди.

Танаффус.

"Андижон" яхши вазиятга эга бўлди. Аммо зарба ноаниқ кетди.

Кнжабоевдан ажойиб рейд. Ҳимоячилар сўнгги паллада унинг узатмасини қайтаришга эришди.

Ҳимоячилар Абдихолиқовнинг тўпни эгаллаб олишига имкон беришмади.

Бекмуродовнинг жуда узоқ масофадан берган зарбаси анча ноаниқ кетди.

"Андижон" ҳам бироз фаоллашди.

Муҳитдинов узоқ масофадан жуда чиройли зарба берди. Бироз ноаниқ.

"Насаф" ҳисобдан қониққан ҳолда олдинга бормаяпти. Улар орқа чизиқда тўп билан ҳаракатланмоқда. Андижонликларда ҳам фаоллик йўқ.

"Насаф" хотиржам тўп назоратини амалга оширмоқда.

ГООООООООООООООЛЛЛЛЛЛ!!! Абдихолиқов ҳисобни очмоқда. Насруллаевнинг узатмасини ҳужумчи гавдасига қабул қилиб олиб, дарвозага жойлади.

Андижонликларнинг яна битта узатмасини Эшмуродов қайтаришга эришди.

Яна Кенжабоев вазият қаҳрамони сифатида намоён бўлмоқда. Унинг жарима майдони марказига узатган тўпини ҳимоячилар бир амаллаб қайтаришди.

Ислом Кенжабоевга тиббий ёрдам керакка ўхшайди.

Кенжабоев тўпни олдириб қўйгани сабаб "Насаф" ҳужуми барбод бўлди.

"Андижон" орқа чизиқда тўп назоратини амалга оширмоқда.

Адҳамов ўз вақтида тўпга чиқиб келди.

Андижонликлар ўйинни майдон марказига ўтказа олди.

Бекмуродовнинг жарима майдонига узатган тўпини қаршилик ҳимоячилар қайтаришга эришди.

Станоевичнинг жарима зарбасидан сўнг "Андижон" жарима майдонида пала-партишлик юзага келди. Вазият улар учун ижобий якун топди.

"Насаф"нинг бурчак зарбаси бесамар кетди. 

Андижонликлар тўпни тез йўқотишмоқда.

Элдор Адҳамов жарима майдонига кириб келган тўпни осонлик билан эгаллаб олди.

Мозговойнинг олис масофдан берган зарбаси ноаниқ кетди.

"Насаф" тўп назоратини амалга оширмоқда.

"Андижон"нинг жарима зарбасини Неъматов қайтарди.

Ўйин бошланди.

Жамоалар майдонга тушиб келишмоқда.

Ассалому алайкум, азиз футбол ихлосмандлари.