"Андижон" бош мураббийи чорак финалдаги рақиби ҳақида нималарни айтди?

Ўзбекистон Coca-Cola Кубогининг 1\4 финалига қуръа ташланганидан хабарингиз бор. Унга кўра, “Андижон” клуби 3 сентябрь куни ўз майдонида Миржалол Қосимов бошчилигидаги АГМК жамоасини қабул қилади.

“Андижон” бош мураббийи Виктор Кумиков илгари АГМК клубига бош мураббийлик қилган ва бу жамоани яхши билади. Шу боис Виктор Балютович чорак финалдаги рақиб ҳақида ўз фикрларини билдириб ўтди.

“Жуда қийин ракиб. Ҳозирги пайтда улар чепионатда яхши ҳолатда кетяпти. Яқинда “Локомотив”ни 4:0 ҳисобида мағлубиятга учратди. “Насаф” билан сафарда яхши ўйнади ва ютиб кетиши ҳам мумкин эди. “Металлург” билан Кубок ўйинида тўлиқ устунлик қилди.

Ўйингача қандай ҳолатда бўлади билмайману, лекин ҳозирги вақтда жуда жиддий рақибга дуч келдик. Учрашишни хоҳламаган жамоалардан бири тўғри келди. Лекин биз мухлисларимизни хурсанд қилиш учун охиригача курашамиз”, - деди Виктор Кумиков.

“Андижон” матбуот хизмати.