Андижон футбол академияси тарбияланувчилари халқаро турнирда иштирок этишмоқда

Сўнгги йилларда юртимизда футболга, ҳусусан болалар футболига катта эътибор қаратилмоқда. Натижада эса мамлакатимиздан кўплаб иқтидорли футболчилар етишиб чиқмоқда. Бу ўринда Андижон футбол академиясининг ҳам ўрни беқиёс.

Ушбу академиянинг 2005 ва 2006 йилларда туғилган футболчилардан иборат "SGS" ShirinGaz жамолари Қозоғистоннинг Олмота шаҳрида ташкил этилган халқаро мусобақада иштирок этишмоқда. Ушбу турнирда Россия, Қирғизистон, Туркманистон, Тожикистон ва мезбон Қозоғистондан жамоалар иштирок этишмоқда. Мусобақа регламентига кўра 2005 йилда туғилган футболчилардан иборат 12та жамоа 3та гуруҳда, 2006 йилда туғилган 16та жамоа эса 4та гуруҳда кураш олиб боради.

Таъкидлаш лозимки, 2005 "SGS" ShirinGaz жамоасига Шохруҳ Ишанов, 2006 "SGS" ShirinGaz жамоасига эса Лочин Гулдоевлар мураббийлик қилишмоқда.

2005 йилда туғилган футболчиларимиз мусобақадаги иштирокларини бугун бошлашади. Улар илк турда Бишкекнинг “Илбирс” клубига қарши майдонга тушишади. 2005 йилда туғилган футболчилар эса бугун Қозоғистоннинг “Цесна” жамоасига қарши ўйнашади.

24 март, Олмота

2005. "Илбирс" (Қирғизистон) - АФА "SGS" ShirinGaz (Ўзбекистон)

24 март, Олмота

2006 . "Цесна" (Қозоғистон) - АФА  "SGS" ShirinGaz (Ўзбекистон)

Мусобақа 31 мартга қадар давом этади.