"Андижон" футболчиси жамоадан кетди

Қишки трансфер ойнаси очилган маҳалда таркиб масаласида ўзгаришлар ва янгиликлар кузатилиши табиий ҳол.

Ёдингизда бўлса, яқинда бир қатор ўйинчилар билан дўстона равишда хайрлашилгани хусусида хабар бериб ўтгандик. Куни кеча “Андижон”ни яна бир ўйинчи тарк этди.

Икки томоннинг ўзаро келишувига кўра сўнгги икки мавсумни жамоа сафида ўтказган ярим ҳимоячи Саидумар Содиқов клубни тарк этди. Футболчи ўтган мавсумда асосий жамоа сафида Суперлигада 2 та учрашувда майдонга тушди. “Андижон” U-21 таркибида эса у 23 та беллашувда 3 та гол урди.

"Андижон" матбуот хизмати.