"Андижон" клуби бош директорининг шартномаси узайтирилди

Биринчи даврани 5-ўринда якунлаган "Андижон" клуби айни пайтда Кубок ўйинига тайёрланмоқда. Жамоа натижалари ва ўйинлари мухлисларини хурсанд қилмоқда.

Куни кеча клуб бош директори билан амалдаги шартнома узайтирилганлигини клуб матбуот хизмати расман маълум қилди.

"Маълумки, ўтган йилнинг 30 октябрь куни «Андижон» футбол клубига бош директор сифатида Элбек Абдурауф ўғли Саматов тайинланганди. 

Эндиликда 36 ёшли мутахассис билан амалдаги шартнома 1,5 йилга узайтирилганлигини маълум қиламиз. 

Элбек Саматовга клуб бош директори сифатида олиб бораётган ишларида омад ва муваффақият тилаймиз", - дейилади "Андижон" матбуот хизматининг хабарида.