"Andijon" safida bu yil kim nechta gol urdi?

“Andijon” futbol klubi “Mavsum-2023”da umumiy hisobda 33 ta gol urdi. Superligada 27 ta, O‘zbekiston Kubogida esa 6 ta gol kiritishga erishdi.

Jamoaning joriy yildagi yaqqol to‘purari shubhasiz albaniyalik legioner Rubin Xebay bo‘ldi. U hammasi bo‘lib raqiblar darvozasiga 14 ta gol urishga muvaffaq bo‘ldi. Superliga to‘purarlar ro‘yxatida esa u Dragan Cherandan (13) keyin 12 ta gol bilan ikkinchi bo‘ldi.

“Andijon” safida ko‘p gol urgan futbolchilar orasida Xebaydan keyin Ilhom Alijonov, Suhrob Berdiev va Sardor Abdunabiev hisobida 3 tadan gol mavjud.

Umumiy hisobda jamoaning mavsum mobaynida kiritgan 33 ta gol 10 ta futbolchining hisobiga yozildi.

Mavsum davomida gol urgan futbolchilar ro‘yxati:

Rubin Xebay - 14

Sardor Abdunabiev - 3

Ilhom Alijonov - 3

Suhrob Berdiev - 3

Ildar Mamatkazin - 2

Farhod Sohibjonov - 2

Armin Boshnyak - 2

Sardor Azimov - 2

Levan Arveladze - 1

Bobur Farhodov - 1

“Andijon” matbuot xizmati.