Андижон вилоят ҳокими: Андижонда футбол кунлари ўтказилади

Аввал хабар берганимиздек Германия сафаридан қайтган Андижон вилоят ҳокими Ш.Абдураҳмонов бугун “Соғлом авлод” ўйингоҳида якунига етаётган бунёдкорлик ишларини кўздан кечирди.

Иншоотда амалга оширилиши лозим бўлган масалалар юзасидан таклифларини бериб, тез фурсатларда якунига етказиш лозимлигини билдирди. “Андижон” жамоасининг ўйинлари ўтказиладиган кунларда вилоят бўйлаб “Футбол кунлари”ни ташкил этиш ташаббусини илгари суриб, шаҳар ва туманларда ҳақиқий байрам кайфияти сезилиши зарурлигини таъкидлади.

Эслатиб ўтамиз, 20 апрель куни Суперлиганинг 5-туридан ўрин олган “Андижон” - “Насаф” учрашуви “Соғлом авлод” стадионида бўлиб ўтади.