Андижонликлар биринчи, “Навбаҳор” меҳмонми ёки мезбон? Бу тур кутилмаган ҳолат қайд этилди

14-16 март кунлари Суперлигада 2-тур ўйинлари ўтказилди. Беллашувлардаги шов-шувлардан ташқари мухлислар статистикасида ҳам эътиборга молик ҳолатлар кузатилди.

2-тур баҳсларига жами 37687 мухлис ташриф буюрди. Бир ўйинга ўртача 5384 ишқибозни ташкил қилади (аввалги турда стадионларга 47752 одам келганди. Демак, бу сафарги билан солиштирганда 10000га фарқ қилмоқда).

Энг кўп томошабин Андижондаги “Бобур” аренага тўғри келди. Таъмирдан чиққан стадиондаги очилиш учрашувига 13800 мухлис шоҳид бўлди.

Энг кам ишқибоз доимгидек Тошкентда қайд этилди. “Пахтакор” иштирокидаги баҳсга 1679 ишқибоз келди.

Миржалол Қосимов "Насаф"га қарши учрашув, Рўзиқул Бердиевга қилган ҳазили ва апрелда кутилаётган муҳим ўйин ҳақида

Турнинг марказий беллашувларидан бири саналган, аввалги ўйинда 11000дан ортиқ мухлис келган Қаршидаги “Марказий” стадионига бу гал 4852 томошабин ташриф буюрди. Рақиб оддий эмасди, Миржалол Қосимовнинг АГМКси.

Суперлига янги мавсумидаги дастлабки дуранг қайси ўйинда кузатилганини биласизми?

"Навбаҳор" ва "Насаф" мухлисларига етадигани топилмади. "Турон" ҳам чакки эмас

Эътиборлиси, Бекободдаги “Металлург” – “Бунёдкор” ўйинини 4910 нафар ишқибоз бевосита аренадан кузатди.

Наманганликлар “локомотивчилар”га мухлислар ташрифи қандай бўлишини кўрсатиб қўйишди. “Лочинлар”ни қўллаб-қувватловчилар бу тур меҳмондаги учрашувни худди уйдагидек ўтказиб, статистика бўйича “Локо” ўйингоҳининг кўрсаткичи яхши бўлишига катта ҳисса қўшишди.

Қуйида Суперлиганинг ушбу турига ташриф буюрган энг кўп мухлислар кетма-кетлиги билан танишинг:

“Андижон” – “Сурхон” 1:0. 13800 томошабин

“Локомотив” – “Навбаҳор” 1:2. 5089 томошабин

“Қўқон-1912” – “Қизилқум” 0:0. 5011 томошабин

“Металлург” – “Бунёдкор” 1:0. 4910 томошабин

“Насаф” – АГМК 1:1. 4852 томошабин

“Сўғдиёна” – “Турон” 1:0. 2346 томошабин

“Пахтакор” – “Машъал” 3:0. 1679 томошабин