"Навбаҳор" ва "Насаф" мухлисларига етадигани топилмади. "Турон" ҳам чакки эмас

9-11 март кунлари Суперлигада янги мавсумнинг илк тури ўтказилди. Учрашувларнинг натижаларини сайтимиз орқали маълум қилиб бордик.

Энди эса турга оид қизиқарли маълумотларни тақдим этмоқдамиз. Яъни анъанамизга содиқ қолган ҳолда тур мухлисларининг статистикаси билан таништирамиз.

Дастлабки турда кутилганидек, Намангандаги ўйинга энг кўп мухлис ташриф буюрди. "Сўғдиёна"нинг "Навбаҳор" майдонидаги илк ғалабасини 17558 одам кузатди.

Суперлигада 1-тур якунланди. Турнир жадвали қандай кўринишда? (Фото)

Иккинчи ўриндан турнинг марказий баҳси ўрин олди. Қаршидаги аренага "Насаф" - "Пахтакор" беллашувини томоша қилиш учун 11812 мухлис келди.

Энг кам томошабин эса, Олмалиқда. Дастлабки турнинг эътиборга молик қарама-қаршиликларидан саналган АГМК - "Локомотив" ўйинига 1000 нафар ишқибоз тушди.

Суперлига биринчи турида ғолиблар ва мағлублар бўлди, аммо...

Суперлига дебютанти "Турон" илк учрашувни "Қўқон-1912"га қарши ўтказди. Водий дербиси 4983 ишқибоз шоҳидлигида ўтди.

Қуйида Суперлиганинг ушбу турига ташриф буюрган энг кўп мухлислар кетма-кетлиги билан танишинг:

"Навбаҳор" - "Сўғдиёна" 0:1. 17558 томошабин

"Насаф" - "Пахтакор" 2:3. 11812 томошабин

"Қизилқум" - "Андижон" 1:0. 6451 томошабин

"Турон" - "Қўқон-1912" 1:2. 4983 томошабин

"Сурхон" - "Металлург" 1:0. 4545 томошабин

"Бунёдкор" - "Машъал" 1:0. 1403 томошабин

АГМК - "Локомотив" 2:1. 1000 томошабин