"Андижон"нинг 2025 йилдаги статистикаси қандай бўлди?

Якунига етган мавсумда “Андижон” клуби расмий учрашувларда жами 40 та ўйин ўтказди. Бунда Суперлига, Суперкубок, Ўзбекистон Кубоги ва ОЧЛ 2 мусобақаларини ўз ичига олади. Йил давомида эса “Андижон” шарафини 38 нафар ўйинчи ҳимоя қилди.

40 та учрашувда 42 та гол урилди. Энг кўп гол урган футболчи Дониёр Абдуманноповга тегишли бўлиб, у ўз ҳисобига 6 та гол ёздириб қўйди. Усмонали Исмоналиев ва Дамир Темиров эса 5 тадан гол муаллифига айландилар. Энг кўп гол уриш бўйича кучли учликни Бектемир Абдуманнонов якунлади. У 4 та гол урди.

Статистика бўйича айнан Бектемирни кўрсаткичлари энг яхшиси бўлди. Абдуманнонов барча - 40 та учрашувда майдонга тушди. Майдонда энг кўп дақиқа ўтказди - 2745. 4 голдан ташқари, энг кўп ассистни бажарди - 8 та.

Шунингдек, ушбу мавсумда Моҳир Комилов, Шохжаҳон Ёрқинбоев, Асад Ҳабибуллаев, Бекзод Сулаймонов, Аббос Абдуғаффоров, Миразиз Махамадалиев, Абдураҳмон Абдуллаев Суперлигада дебютларини ўтказдилар.

Бундан ташқари, умумий ҳисобда 35 та ассист кузатилди. Футболчиларга 69 та сариқ ва 3 та қизил карточка кўрсатилди.