"Андижон"нинг икки нафар собиқ футболчиси "Бухоро"га қўшилди

Ўз олдига Суперлигага қайтиш вазифасини қўйган “Бухоро” жамоаси айни пайтда Фарғонада “Ҳоким кубоги” мусобақасида иштирок этяпти. Бош мураббий Даврон Файзиев бу орқали жамоасининг ўйин сифатини яхшилашга эътибор қаратмоқда.

Бундан ташқари, селекция ишлари ҳам давом эттирилмоқда. Sports.uzга маълум бўлишича, “Бухоро”га ўтган мавсумни “Андижон”да ўтказган икки нафар ўйинчи қўшилган. Булар – Қаҳрамон Баҳодиров билан Азамат Исроилов.

“Андижон” раҳбарияти мавсум тугаганидан кейин, ушбу ўйинчилар билан шартномани узайтирмаганди. Шу боис, футболчилар клуб билан хайрлашган. Исроилов бунгача “Қўқон-1912”нинг машғулотларида ҳам иштирок этганди.

Шуни айтиш керакки, Баҳодиров билан Исроилов “Бухоро” машғулотларида ўзини яхши томонлама кўрсата олса, Даврон Файзиев уларни жамоада олиб қолади.

Фикрлар

Фикр қолдириш учун авторизациядан ўтинг!