Андреа Пирло: "Челси"нинг муаммоси мураббийлар билан боғлиқ эмас

Италиялик машҳур футбол юлдузи Андреа Пирло ҳамюрти Маурицио Саррининг "Челси"даги фаолияти борасида тўхталиб ўтди.

Эслатиб ўтамиз, “Челси” премьер-лигада 3-ўринни қўлга киритди, Лига кубогида финалга қадар етиб борди ва “Манчестер Сити”га пенальтилар сериясида имкониятни бой берди ҳамда Европа лигасида ғолиб бўлди.

“Саррига осон эмас. Футболчиларни янги тизимга мослаштириши учун унга вақт керак. Мен учун у жудаям яхши мураббий, мухлислар бу борада хотиржам бўлишлари керак.

Менинг фаолиятимдаги энг яхши мураббий эса бу Конте бўлган. У ҳам “Челси”да ажойиб ишлади, Англия премьер-лигасида ва Кубогида ғолиб чиқди. Балким унда Роман Абрамович билан муаммолар пайдо бўлгандир ва шу боис Антонио жамоадан кетгандир.

Агар сўнгги 10 йилликда эътибор берсангиз, “Челси” жуда кўп мураббий алмаштирганини сезасиз. Муаммо мураббийда эмас, клубнинг ўзида”, - дейди Пирло.