Андреа Пирло Италия терма жамоаси бош мураббийи бўлади

Оммавий ахборот воситалари тарқатаётган маълумотларга кўра, Италия терма жамоаси раҳбарияти янги бош мураббий масаласида қарорга келган.

Жамоани эндиликда Андреа Пирло бошқариши кутилмоқда. У билан 2030 йил ёзигача мўлжалланган меҳнат шартномаси имзоланиши режалаштирилган. Яқин кунларда бу қарор расман эълон қилиниши айтилмоқда.

Италия терма жамоаси яна бир бор жаҳон чемпионати саралаш босқичини омадсиз якунлади. Итальянлар Босния ва Герцеговина терма жамоасига қарши баҳсда мағлуб бўлди: асосий вақт 1:1 ҳисобида якунланди, пенальти сериясида эса 1:4 ҳисобида ютқазилди. Саралаш босқичида жамоани Дженнаро Гаттузо бошқариб келаётган эди.