Andrey Kanchelskis: Haqli g‘alabaga erishdik

Bugun Superliganing 5-turi doirasida “Navbahor” Farg‘onada “Surxon”ni qabul qildi va 3:0 hisobida g‘alaba qozondi.

O‘yindan so‘ng o‘tkazilgan matbuot anjumanining ikkinchi qismida mezbonlar bosh murabbiyi Andrey Kanchelskis ishtirok etdi va o‘zining uchrashuv haqidagi fikrlarini bildirib o‘tdi.

“Bugun haqli g‘alabaga erishdik deb o‘ylayman. Yigitlarga, muxlislarga rahmat. Nihoyat yaratilgan vaziyatlardan foydalanishni uddaladik. Bundan keyingi o‘yinlarda ham hujumda shunday o‘yin ko‘rsatishga harakat qilamiz.

Barchani g‘alaba bilan tabriklayman. Endi Samarqandda bo‘ladigan o‘yinga tayyorgarlik ko‘ramiz”, - deydi rossiyalik mutaxassis.

Matnni SPORTS.uz muhbiri Baxtiyorjon Toshtemirov “Istiqlol” stadionidan turib yozib oldi.