Англия футболида тарихда кузатилмаган икки воқеа юз берди

Англия Премьер-лигасининг 13-туридан ўрин олган “Вулверхемптон” ва “Борнмут” жамоалар ўртасидаги учрашувда тарихий воқеа кузатилди.

Меҳмонлар ҳужумчиси Жастин Клюйверт рақиб дарвозасига уч марта пенальтидан гол урди. Бу ҳолат Англия Премьер-лигаси тарихида илк маротаба содир бўлгани қайд этилди.

Нидерландиялик футболчи 11 метрлик нуқтадан 3, 18, 74-дақиқалардан зарба бериб, “Вулверхемптон” дарвозабони Жозе Сани ожиз қолдирди. Ўйинда “Борнмут” 4:2 ҳисобида ғалаба қозонди.

Яна бир қизиқарли ҳолат “Борнмут” ўйинчиси Эванилсон билан боғлиқ. Ҳар учала пенальти айнан мана шу ҳужумчига нисбатан ишлатилган қоида бузишлардан кейин белгиланган. Бунақаси ҳам Англия футболи тарихида биринчи бор юз берди.