Англия клуби баҳайбат дарвозабон топиб келди

Англиянинг машҳур клубларидан “Ноттингем Форест” Бразилиянинг “Коринтианс” клуби дарвозабони Карлос Мигель трансферини эълон қилди.

“Ўрмончилар” бу голкипер учун 3,4 миллион фунт сарфлагани айтилмоқда.

25 ёшли Мигель англияликлар билан 2028 йилнинг ёзигача давом этадиган шартнома имзолади. Энди у Англия Премьер-лигасининг энг бўйи баланд аъзоси бўлади. Баҳайбат дарвозабоннинг бўйи 2 метру 4 сантиметрни ташкил қилади.

Мигель 2021 йилдан бери “Коринтианс” дарвозасини қўриқлаб келаётган эди. Бу мавсум у 25 та учрашувдан 14 тасида гол ўтказмади.

“Ноттингем Форест” шарафини ҳимоя қилиш учун мен учун бахт. Бу стадионни кўришимнинг ўзи менга куч-қувват бағишлади ва тезроқ майдонга тугиб, янги жамоамга ғалаба қозонишига ёрдам бериш истаги туғилди.

Асосий мақсадим – футбол тарихида катта из қолдирган ушбу жамоанинг муҳим футболчисига айланиш. Мен клуб музейида бошқалар қатори ўз жойимга эга бўлишни хоҳлайман, - деди Карлос Мигель.