Англия клуби “Реал” ва “Ювентус” юлдузларини чақиряпти

Англия Премьер-лигаси вакили “Тоттенхэм” таркибини кучайтириш учун Европа футболининг ёш, лекин анча машҳур ўйинчиларини олиб келишни режалаштирган.

TEAMtalk нашрининг маълум қилишича, лондонликлар “Реал”дан Родриго Гоэсни ва “Ювентус”дан Кенан Йилдизни ўз таркибига қўшиб олишни мақсад қлган.

Энг қизиғи, “Тоттенхэм” хўжайинлари бу икки катта трансферни январда амалга оширмоқчи.

Манбага кўра, “шпорлар” Мадриддаги бразилиялик легионерни олиб келиш учун “Манчестер Сити” ва “Ливерпуль” билан рақобатлашишига тўғри келади.

Туркиялик Кенан Йилдиз харидорлари қаторида “Арсенал” ва “Челси” ҳам бор. Ҳар икки ўйинчи қимматбаҳо юлдузлар сирасига киради ва уларни олиш катта миқдордаги харажатларни талаб қилади.