Англия клуби “Сити”дан келган футболчини олти ойда сотиб юборадиган бўлди

“Манчестер Сити” тарбияланувчиси Жеймс Макэйти асосий таркибга киришга қийналгани боис, ўтган ёзда жамоасини ўзгартириб, “Ноттингем Форест”га кўчиб ўтганди.

Шу трансфердан олти ой ўтиб, “ўмончилар” 23 ёшли ҳужумкор футболчини сотиб юборишга қарор қилди.

Бу ҳақда Sky Sports нашри хабар бермоқда.

Манба маълумотларига кўра, Макэйтини январь ойидаги қишки трансферлар ойнаси давомида ўз таркибига қўшиб олишни истаётган даъвогарлар бор.

Хусусан, Португалия чемпионати етакчиси “Порту”, Туркия вакили “Бешиктош” ва Франция чемпионатида иштирок этаётган “Страсбург” иқтидорли ўйинчига жиддий қизиқиш билдиряпти.

Эслатиб ўтамиз, “Ноттингем Форест” Макэйтини ўтган ёзда “Манчестер Сити”дан 29 миллион евро эвазига сотиб олган. Жорий мавсумда у барча мусобақаларда 12 та ўйинда майдонга тушган, аммо бирорта самарали ҳаракатни амалга оширгани йўқ. Футболчи билан тузилган амалдаги шартнома 2030 йил ўрталаригача амал қилади.