Англия суперклублари Мессини ҳайратга солган вундеркиндни олмоқчи
Иқтидорлар эътиборсиз қолмайди
El Intransigente нашри хабар беришича, Лондоннинг “Челси” ва “Арсенал” клублари Аргентинанинг “Бока Хуниорс” жамоасида ўйнаётган 19 ёшли ярим ҳимоячи Томас Аранданинг ривожланишини диққат билан кузатишда давом этмоқда.
Инглиянинг йирик клубларидан ташқари, Италиянинг “Наполи” жамоаси ҳам ёш иқтидорга қизиқиш билдирмоқда.
“Челси” футболчига бўлган ҳуқуқларни сотиб олиб, кейин уни ўзининг Франциядаги ҳамкор клуби “Страсбург”га ижарага бериш вариантини кўриб чиқмоқда.
Томас Аранда 2026 йил январь ойида “Бока”нинг асосий жамоасида дебют қилди ва тез орада таркиб ротациясидан мустаҳкам ўрин эгаллади. У барча мусобақаларда 32 та учрашувда қатнашишга улгурди.
Унинг универсаллиги ва ҳужумдаги маҳорати туфайли футболчини “янги Рикельме” деб аташмоқда. Лионель Месси ҳам ёш ватандошининг юқори салоҳиятини омма олдида эътироф этган.
Бироқ 2026 йил август ойида ярим ҳимоячининг ривожланиши ўнг оёғидаги кичик болдир суяги синиши туфайли тўхтаб қолди. Жарроҳлик амалиётидан кейин Аранда жорий йилнинг қолган қисмини ўтказиб юборади. Унинг майдонга қайтиши фақат 2027 йил бошидаги мавсумолди тайёргарлик даврида кутилмоқда.
Иқтидорли футболчининг “Бока Хуниорс” билан шартномаси 2029 йил декабригача амал қилади. Унда 20 миллион долларлик товон пули белгиланган бўлиб, муайян шартлар бажарилса, бу сумма 25 миллион долларгача кўтарилиши мумкин.
Аргентина клуби футболчи билан шошилинч равишда хайрлашмоқчи эмас ва товон пулидан кам суммага музокара олиб бориш ниятида эмас.
Изоҳлар (0)