Англия суперкубоги нега ҳар галгидек "Уэмбли"да ўтказилмаяпти?

Бугун Англия суперкубоги доирасида "Ливерпуль" ва "Манчестер Сити" жамоалари ўртасида баҳс бўлиб ўтади. Учрашув Лестер шаҳридаги "Кинг Пауэр" ўйингоҳида бўлиб ўтади. 

Қизиғи, Англия суперкубоги охирги 10 йилдан бери "Уэмбли" стадионида ўтказиларди. Бу сафар беллашув "Лестер" клуби майдонида бўлиб ўтади. 

Бунга сабаб сифатида эртага аёллар ўртасида Европа чемпионати финали бўлиб ўтиши кўрсатилган. Финалда мезбон Англия ва фаворит сифатида қаралаётган Германия терма жамоаси тўқнаш келади. Мазкур учрашув "Уэмбли"да ўтади. Евро финалига тайёр бўлиши учун Англия суперкубоги Лестердаги ўйингоҳда бўлади.