Англия Суперкубоги учун
Ads

Жорий йилнинг 4 август куни “Манчестер Сити” ва “Ливерпуль” клублари ўртасида Англия Суперкубоги баҳси бўлиб ўтади.

Таъкидлаш керакки, “шаҳарликлар” ўтган мавсум премьер-лигада, Англия кубогида ва Лига кубогида зафар қучишди. Шу боис уларга чемпионатда иккинчи ўринни эгаллаган мерсисайдликлар рақиблик қилишади.

Маълумот учун, “Манчестер Сити” ушбу совринни ўз тарихида 5 марта, “Ливерпуль” эса 15 марта қўлга киритган.

Эслатиб ўтамиз, "Манчестер Сити" - "Ливерпуль" баҳси 4 август куни Лондондаги машҳур "Уэмбли" стадионида бўлиб ўтади. Баҳс Тошкент вақти билан соат 19:00да бошланади.