Англия терма жамоаси "Евро-2020"дан олдин жиддий йўқотишга учради.

"Лестер" ўзининг ҳужумкор ярим ҳимоячиси Харви Барнсни узоқ муддатга йўқотди. Бу ҳақда клуб матбуот хизмати хабар бермоқда.

Юқоридаги манбанинг хабар беришича, 23 ёшли футболчи тиззасидан жароҳат олган ва бир неча ойга сафдан чиққан. У аллақачон операция қилинган.

Англия терма жамоаси аъзоси ҳисобланган Барнс энди “Евро-2020”да иштирок этолмайди.

Барнс жорий мавсум “Лестер” сафида жами 35 та ўйинда майдонга тушди. У ушбу учрашувларда ўз ҳисобига 13 та гол ҳамда 4 та голли узатмага муаллифлик қилди.