Англия терма жамоасининг ўйини об-ҳаво сабаб қолдирилди

Англия ва Коста-Рика миллий терма жамоалари ўртасидаги ўртоқлик учрашуви ноқулай об-ҳаво шароити сабаб қолдирилди. Ўйин бўлиб ўтиши керак бўлган Орландо шаҳрида айни пайтда кучли ёмғир ёғмоқда.

Эслатиб ўтамиз, “Эксплория” стадионидаги баҳс Тошкент вақти билан соат 01:00да бошланиши керак эди. Ҳозирча ўйиннинг қачон бошланиши номаълум.

Англия терма жамоаси 2026 йилги Жаҳон чемпионатида “L” гуруҳидан ўрин олган. Томас Тухель шогирдлари гуруҳ босқичида Хорватия, Гана ва Панама терма жамоаларига қарши майдонга тушади. Коста-Рика эса мундиалнинг финал босқичига йўлланма ола олмаган.

Маълумот учун, турнир 11 июнь куни Мехико шаҳридаги “Ацтека” стадионида Мексика ва Жанубий Африка Республикаси терма жамоалари ўртасидаги учрашув билан старт олади.