Англияга “катта” ўйинчи келяпти!

“Атлетико”ни тарк этиши аниқ бўлган уругвайлик ҳужумчи Луис Суарес Англия премьер-лигасига қайтмоқда. Тажрибали тўпурар анчадан бери “Астон Вилла” бош мураббийи Стивен Жеррард билан музокара қилаётгани ошкор бўлди.

Суарес ва Жеррард ўз даврида “Ливерпуль”да бирга ўйнаган.

Суарес Мадрид клубида икки мавсум ўйнаганидан кейин “Барселона”га қайтишни истаганди. Лекин каталонияликлар бош мураббийи Хави Эрнандес ёши ўтган футболчига эҳтиёж йўқлигини очиқ таъкидлади.

Маълумотларга қараганда, 35 ёшли ҳужумчи олдида бир неча вариантлар бор. Лекин Луиснинг ўзи “Астон Вилла” таклифини қабул қилишга мойил бўлиб турибди.