Анри: "Арсенал" "Реал"ни ютишига ишонмаса, Лондонда қолгани яхши"

Хабарингиз бор, УЕФА Чемпионлар лигасининг чорак финал босқичида Микель Артета бошчилигидаги "Арсенал" Карло Анчеоттининг "Реал"и билан куч синашади. Ушбу беллашув 8 апрелдан 9 апрелга ўтар кечаси соат 00:00 да бўлиб ўтиши режалаштирилган. Мазкур баҳсдан аввал "Арсенал" ва "Барселона"нинг собиқ футболчиси Тьерри Анри ўз фикрини билдириб ўтди. 
 
"Арсенал" "Реал Мадрид”ни ютишга ишониши керак. "Атлетико Мадрид” бир неча марта "Реал”га қарши ажойиб ўйнади, лекин бу етарли бўлмади. "Манчестер Сити” ҳам жуда зўр ўйнади, лекин барибир етарли бўлмади. Агар "Арсенал” "Реал Мадрид”ни ютишига ишонмаса, унда Лондонда қолгани маъқул" - деди собиқ франциялик ҳужумчи. 
 
Маълумот ўрнида, икки клуб ўртасидаги илк беллашув 8/9 - апрель куни бўлиб ўтса, жавоб беллашуви 16/17 - апрель куни бўлиб ўтиши режалаштирилган.