Anri “Barsa”ga Xavi o‘rniga boshqa murabbiyni tavsiya qildi
Frantsiyalik sobiq futbolchi Terri Anri o‘z vaqtida “Barselona” rahbariyatiga ayni paytda “Manchester Yunayted”ni boshqarayotgan Erik ten Xagni bosh murabbiy etib tayinlashni tavsiya qilganini aytdi.
Men Erik ten Xag mahoratining katta muxlisiman. Menga bu murabbiy juda yoqadi. “Barselona” Ronald Kumanni iste’foga chiqaganida, men ularga Erik ten Xagni bosh murabbiylikka olib kelishni maslahat bergandim, - dedi Terri Anri.
O‘shanda Kataloniya klubi rahbariyati jamoani “Barselona”dan etishib chiqqan Xavi Ernandesga topshirgan. Ispaniyalik mutaxassis qisqa fursatda “Barsa”ni sovrinlar uchun kurashadigan jamoaga aylantirdi.
Erik ten Xag esa “Ayaks”dan “Manchester Yunayted”ga o‘tib, ayni paytda manchesterliklarni qudratli jamoaga aylantirmoqda.
Fikrlar