Антонио Конте қишда яна бир ҳужумчини "Интер"га олиб келмоқчи

"Интер" қишги трансфер ойнаси вақтида ҳужум чизиғини кучайтириш ниятида. Бу ҳақида журналист Жанлука Ди Марцио хабар бермоқда.

"Нерадзуррилар" Алексис Санчеснинг жисмоний ҳолати ва қолган ҳужумчиларнинг жароҳат ва дисквалификация қилинишлари эҳтимолини инобатга олган ҳолда заҳира вариантини тайёрлаб қўйишни режалаштиришган.

Манбага кўра, миланликлар "Женоа" ҳужумчиси Горан Пандевни "Интер"га қайтариш бўйича иш олиб боришмоқчи.

Эслатиб ўтамиз, Пандев "Интер" либосида 2010-2011 мавсумда тўп сурган ва 46 та ўйинда майдонга тушиб, 5 та гол киритишни уддалаган.