Антонио Перес: "Ред Булл" чемпион бўлиш учун менинг ўғлимга муҳтож эди"

"Кадиллак"нинг мексикалик ҳайдовчиси Серхио Переснинг отаси Антонио Перес Гарибай унинг "Ред Булл"даги пойгалари ҳақида гапирди.

"Чеко "Ред Булл" билан тўрт йил ўтказди. "Ред Булл" неча йил чемпион бўлган? Ҳаммаси тўртта. Айнан Чеко Верстаппенни жаҳон чемпионига айлантирди. Агар финал мавсумида Чеко ўзи муносиб бўлган болидни олганида, ўзи ҳам чемпион бўларди. "Ред Булл" чемпион бўлиш учун ўғлимга муҳтож эди. Унга яхши машина беришди ва у саккиз карра жаҳон чемпиони Льюис Хэмилтонни ортда қолдирди", - дея Переснинг отаси сўзларини келтирди GPBlog.

Эътиборлиси, Гарибай ҳисобда адашган - Хэмилтоннинг ҳисобида еттита жаҳон чемпионлиги бор.

Мексикалик пойгачи 2021 йилдан 2024 йилгача, "қизил буқалар" сафида Макс Верстаппеннинг жамоадоши бўлди. Ушбу давр оралиғида, Перес 90 та пойгадан 5 тасида ғалаба қозониб, 29 та подиум қўлга киритган.